Чехов бізбен жаңаша сөйлессе, не істер едіңіз? Таныс сюжеттер мысқыл мен мұңнан, үміт пен күтуден тұратын қызық матаның бетіне араласып кестеленсе? 

"Поднимите трубку!" спектаклі — бұл талантты режиссёр Сергей Левицкийдің Антон Павлович Чеховтің «Палата № 6» повесіне негізделіп, көптеген басқа да шығармаларынан: «Дядя Ваня», «Вишневый сад»-тан бастап, «Три сестры», «Чайка», «Крыжовник»,  «Каштанка», «Дама с собачкой»-ға  дейін кестеленген батыл, парадоксалды және нәзік қойылымы.  

Бас қаладан шалғай жатқан ауруханаға келіп түскен дәрігердің оқиғасы естен адасу мен ақыл арасындағы шекара туралы, сенім, күту және мейірім туралы ой толғауға айналады. Чеховтің кейіпкерлері қоңырау күтеді. Бірақ ол шалынады ма? Шалынған күнде, ол бір нәрсені өзгерте алады ма?  

 
Бұл классикалық бейімдеу емес, бұл - ұлы жазушы көтерген тақырыптың еркін, жанды, кей жерінде абсурдты оқылуы.
«Поднимите трубку!» — бұл Чеховті жаңаша жандандырған спектакль: мұнда ол мысқылшыл, нәзік, үмітке толы. 
 
Спектакльдің режиссёрі Сергей Левицкий — заманауи ресейлік режиссураның көрнекті өкілдерінің бірі, «Золотая маска» сыйақысынан екі мәрте үміткер, халықаралық фестивальдер мен Бурятия Республикасы Мемлекеттік сыйақысының лауреаты.