Генрик Ибсеннің аттас психологиялық пьесасының желісі бойынша қойылған мықты драма — «Гедда Габлер» спектаклінің премьерасы өтті. Қойылымнан көрермендердің алған эмоциялық әсері залда орнаған үнсіздіктен байқалды:  әрбір көрермен нәзік театр сиқырын үркітіп алмайын дегендей.    

Бас рөлді Светлана Фортуна сомдады. Оның Геддасы — қиын мінезді, жарқын, іші қарама-қайшылыққа толы тұлға — спектакльдің бас кейіпкері. «Бұл ойнау емес, бұл көрермендердің алдында жаныңды ақтару», — деп білдірді көрермендер алған әсерлерін. Оның орындауының эмоциялық толықтығы, дәлдігі және тереңдігі көрерменнің жүрегін жаулады.  

Басқа актерлер де рөлдерін тамаша сомдап шықты: Лёвборг рөліндегі Илья Соболев, асессора Бракк рөліндегі Иван Анопченко, Юлле тәтей рөліндегі Нина Дроботова, Тея рөліндегі Полина Харламова, Тесманды ойнаған Диас Кожантаев  және кештің нағыз жаңа атқан жұлдызындай жас Севиль. Олардың сахна төріндегі тартыстары әрбір сөзі із қалдырған жандар қақтығысындай болды.  

Қоюшы-режиссер Қанат Мақсұтовтың жинақы, бірақ айқын сценографиясы, дәл түсірілген жарық, музыка және арнайы әсерлер  — қойылымдағы барлық дүниелер шиеленіскен, тіпті тәнмен сезілетіндей ішкі драма күйін жасау үшін жұмыс істеді. 

«Бұл спектакль демалу үшін емес. Бұл спектакль қараңғылыққа сүңгіп, сол жерден өз даусының жаңғырығын табудан қорықпайтын жандарға арналған», — дейді көрермендер. Режиссёр  Дина Жұмабайдың қойылымы  театр маусымының айтулы оқиғасына айналып, шын өнер адам жаны ашылған жерде туатынын тағы бір еске салды.