Біз әлеуметтік желілердеміз:
1899 жылы құрылған
KZ
«Смешанные чувства» – бұл өмірінің
екінші емес, үшінші ширегін артқа тастаған адамдар туралы әзіл аралас нәзік
оқиға. Жарларынан айрылып, сол жарларын бір-бірінен аңғалдықпен іздеп табуға
тырысқан адамдар туралы. Олар өлімді алдап, махаббатты алдап, өз отбасыларын
ондағы бар үйреншікті дәстүрлерімен қайта қалпына келтіруге тырысады: отбасылық
түскі астар, балалар мен немерелермен апта сайынғы кездесулер, таңғы беттен сүюлер
мен кешкі ұрысулар.
Махаббатсыз өмірдің
мәні жоқ, онсыз дүние кем. Бұл ой тек жылдар өте келеді екен – осы тақырып
бүкіл спектакль бойына созылады. Пьесаның бас кейіпкері – жалғызбасты, жасы
ұлғайған Герман қайтыс болған досының жұбайы, өзі сияқты жалғыз және жасы да
келіп қалған Кристинаға қолы мен жүрегін ұсыну үшін келеді. Бір қарағанда, бәрі
түсінікті сияқты: неге екі жалғызбасты адам бас қосып, қалған өмірін махаббат
пен бақыт құшағында кешірмеске? Алайда, ойлана келе, әрқайсысы қалыптасқан өмір
салтынан бас тартып, барлығын басынан бастау оңай шаруа емес екенін түсінеді.
